நடிகர் சூர்யா நடிப்பில் உருவாகி வரும் ‘SCENE’ திரைப்படத்தின் இசை வெளியீட்டு விழா குறித்த அறிவிப்பு தற்போது ரசிகர்கள் மத்தியில் கவனம் பெற்று வருகிறது. தீபாவளியை முன்னிட்டு வெளியாகவுள்ள இந்தத் திரைப்படத்தின் மீதான எதிர்பார்ப்பு அதிகரித்து வரும் நிலையில், படக்குழு விழா நடைபெறும் திகதி மற்றும் இடம் குறித்த தகவல்களை வெளியிட்டுள்ளது.
இயக்குநர் ஜித்து மாதவன் இயக்கத்தில் உருவாகும் இத்திரைப்படத்தில் நடிகர் சூர்யாவுடன் நஸ்ரியா, நஸ்லென் உள்ளிட்ட பலர் முக்கிய கதாபாத்திரங்களில் நடித்துள்ளனர். வித்தியாசமான கதைக்களங்களின் மூலம் ரசிகர்களைக் கவரும் ஜித்து மாதவனின் இயக்கத்தில் சூர்யா நடிப்பதால், இப்படம் குறித்த எதிர்பார்ப்பு திரையுலகினர் மத்தியிலும் அதிகரித்துள்ளது.
இந்நிலையில், ‘SCENE’ திரைப்படத்தின் இசை வெளியீட்டு விழா எதிர்வரும் ஒக்டோபர் 25ஆம் திகதி துபாயில் நடைபெறவுள்ளதாகப் படக்குழு அதிகாரபூர்வமாக அறிவித்துள்ளது.
துபாயில் உள்ள சிலிகான் சென்ட்ரல் மாலில் மாலை 6 மணிக்கு இந்த நிகழ்ச்சி நடைபெறவுள்ளது. இவ்விழாவில் படக்குழுவினர் கலந்துகொள்வார்கள் என எதிர்பார்க்கப்படுகிறது. எனினும், நிகழ்ச்சியில் பங்கேற்கும் பிரபலங்கள் குறித்த மேலதிக விபரங்கள் வெளியாகவில்லை.
மேலும், ‘SCENE’ திரைப்படம் எதிர்வரும் நவம்பர் 6ஆம் திகதி தீபாவளியை முன்னிட்டு திரையரங்குகளில் வெளியாகவுள்ளது.
இசை வெளியீட்டு விழாவைத் தொடர்ந்து படத்தின் பாடல்கள் மற்றும் முன்னோட்டம் குறித்த அறிவிப்புகள் வெளியாகுமா என்பதை அறிய ரசிகர்கள் ஆவலுடன் காத்திருக்கின்றனர்.
.png)
.png)
Listen News!