உடல் நலக்குறைவால் காலமான மலையாள நடிகர்..! சோகத்தில் மூழ்கிய திரையுலகம்..!

மலையாள திரை உலகில் நன்கு பரிச்சயமான நடிகரான விஷ்ணு பிரசாத் இன்று அதிகாலை காலமானார் என்ற செய்தி திரை உலகையே சோகத்தில் ஆழ்த்தியுள்ளது. சிறப்பான நடிப்பாற்றலும், பண்புமிக்க நடத்தையும் கொண்ட மனிதரான விஷ்ணு பிரசாத், கடந்த சில வாரங்களாக கல்லீரல் தொடர்பான உடல்நலப் பிரச்சனை காரணமாக சிகிச்சை பெற்று வந்திருந்தார்.

கொச்சியில் உள்ள ஒரு தனியார் மருத்துவமனையில் கடந்த சில நாட்களாக ஐ.சி.யூவில் அனுமதிக்கப்பட்டிருந்த விஷ்ணு பிரசாத், இன்று அதிகாலை உயிரிழந்துள்ளார் என்ற செய்தி சமூக ஊடகங்களில் மிகுந்த சோகத்தை ஏற்படுத்தியுள்ளது.

மருத்துவ வட்டாரங்கள் தெரிவித்ததாவது, “கல்லீரல் செயலிழப்பு காரணமாக பல்வேறு உடல் உறுப்புகள் செயலிழந்தன. சிறப்பான சிகிச்சைகள் அளிக்கப்பட்டும், அவரது நிலை கட்டுப்பாட்டிற்கு வரவில்லை,” என குறிப்பிடுகின்றனர். மலையாள சினிமாவில் துணை வேடங்களில் மிகச்சிறந்த இடத்தை பிடித்தவர் விஷ்ணு பிரசாத். வெகு குறுகிய காலத்திலேயே தனது இயல்பான நடிப்பால் ரசிகர்களைக் கவர்ந்தார்.

குறும்படங்கள், வெப் சீரிஸ்கள், பின்னணிப் பாத்திரங்கள் என பன்முகத் திறனுடன் விளங்கினார். அந்தவகையில் விஷ்ணு பிரசாத் இறந்த செய்தி, மலையாள திரை உலகத்தை ஏக்கத்தில் மூழ்க வைத்துள்ளது. பல முன்னணி நடிகர்கள், இயக்குநர்கள், சின்னத்திரை பிரபலங்கள் அவருக்கு தங்களது இரக்கத்தை தெரிவித்து வருகின்றனர்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை