இசையமைப்பாளர் சாய் அபயங்கர் சமீபத்தில் அளித்த பேட்டியில் விஜய் குறித்து கூறிய கருத்துக்கள் தற்போது சமூக வலைத்தளங்களில் வைரலாக பரவி வருகின்றன. “நான் விஜய்யின் ரசிகன் என்பதை விட அவரது வெறியன் என்று தான் சொல்ல வேண்டும். அவருக்காக மாஸான ஹிட் பாடல்களை கொடுக்க வேண்டும் என்பது என் நீண்ட நாள் ஆசை. குறிப்பாக அவர் நடித்த ‘சச்சின்’ போன்ற இளமை ததும்பும் படங்களுக்கு இசையமைக்க வேண்டும் என்ற விருப்பம் இருந்தது,” என்று அவர் உணர்ச்சிகரமாக தெரிவித்துள்ளார்.
ஆனால், விஜய் சினிமாவில் இருந்து விலகி அரசியலில் முழுமையாக கவனம் செலுத்த முடிவு செய்திருப்பது தன்னை மிகவும் வருத்தப்படுத்தியதாகவும் சாய் அபயங்கர் கூறியுள்ளார். விஜய் ரசிகர்களுக்கும் இது ஒரு பெரிய இழப்பாகவே பார்க்கப்படுகிறது.
இதற்கிடையில், விஜய் நடித்த கடைசி திரைப்படமாக கருதப்படும் ‘ஜனநாயகன்’ இன்னும் வெளியாகாமல் உள்ளது. சென்சார் பிரச்சனைகள் காரணமாக படம் தாமதமாகி வந்த நிலையில், சமீபத்தில் அந்த படம் இணையத்தில் லீக்கானது படக்குழுவிற்கு பெரும் அதிர்ச்சியை ஏற்படுத்தியிருந்தது. இது திரைப்படத்தின் வசூலுக்கும் பாதிப்பை ஏற்படுத்தியுள்ளது.
இதனால், விஜய் ஜனநாயகன் பட தயாரிப்பாளருக்காக இன்னொரு படத்தில் நடித்துக் கொடுக்க திட்டமிட்டுள்ளதாகவும் தகவல்கள் வெளியாகின. மொத்தத்தில், விஜய்யின் திரைபயணம் முடிவுக்கு வந்தாலும், அவரது தாக்கம் மற்றும் ரசிகர்கள் மத்தியில் உள்ள பிரபல்யம் தொடர்ந்து நீடிக்கும் என்பது உறுதி.
.png)
.png)
Listen News!