தமிழ் சினிமாவில் நடனத்தாலும் நடிப்பாலும் தனக்கென தனி ரசிகர் பட்டாளத்தை வைத்திருப்பவர் பிரபுதேவா. அதேபோல், தனது நடிப்பால் பல ரசிகர்களைக் கவர்ந்த நடிகை சிம்ரனும் தற்போது புதிய திரைப்படம் ஒன்றில் பிரபுதேவாவுடன் இணைந்து நடிக்கவுள்ளார். இந்நிலையில், இருவரும் இணைந்து நடிக்கும் புதிய காதல் திரைப்படம் குறித்த அறிவிப்பு வெளியாகி ரசிகர்கள் மத்தியில் கவனத்தை ஈர்த்துள்ளது.
குறித்த திரைப்படத்திற்கு ‘கமல் ஸ்ரீதேவி’ எனப் பெயரிடப்பட்டுள்ளதாக படக்குழு அதிகாரபூர்வமாக அறிவித்துள்ளது. இந்த அறிவிப்பு வெளியானதைத் தொடர்ந்து, திரைப்படத்தின் தலைப்பு சமூக வலைத்தளங்களில் பேசுபொருளாக மாறியுள்ளது.
இப்படத்தை கிருஷ்ணானந்த் கொட்டாரப்பட்டு எழுதி இயக்குகிறார். திரைப்படத்திற்கு இசையமைப்பாளர் ஜி.வி. பிரகாஷ் இசையமைக்கிறார். காதல் கதைக்களத்தில் உருவாகும் இந்தப் படத்தில் பிரபுதேவா மற்றும் சிம்ரன் இணைந்து நடிப்பது ரசிகர்களிடையே எதிர்பார்ப்பை ஏற்படுத்தியுள்ளது.
தமிழ் சினிமாவில் ஏற்கனவே பல வெற்றிப் படங்களில் நடித்துள்ள இருவரும், இந்தப் புதிய படத்தின் மூலம் மீண்டும் ரசிகர்களை மகிழ்விக்கவுள்ளனர். குறிப்பாக, இருவரின் திரை இணைவு எவ்வாறு அமையப்போகிறது என்பதையும், படத்தின் கதை எந்த வகையில் ரசிகர்களைக் கவரப்போகிறது என்பதையும் அறிய ரசிகர்கள் ஆர்வமாக உள்ளனர்.
மேலும், படத்தின் தலைப்பு வித்தியாசமாக அமைந்துள்ளதால், அதன் பின்னணி என்னவாக இருக்கும் என்ற கேள்வியும் எழுந்துள்ளது. இருப்பினும், படத்தின் கதை, ஏனைய நடிகர்கள் மற்றும் வெளியீட்டுத் திகதி தொடர்பான மேலதிக விபரங்கள் வெளியாகும் நிலையில், இந்தப் படம் குறித்த எதிர்பார்ப்பு மேலும் அதிகரிக்கும் என எதிர்பார்க்கப்படுகிறது.
.png)
.png)
Listen News!