தமிழ் திரையுலகின் முன்னணி நட்சத்திரமும், தற்போது அரசியல் களத்திலும் கவனம் பெற்றிருக்கும் விஜய் அவர்களின் (ஜூன் 22) பிறந்தநாளை முன்னிட்டு திரையுலகமும் அரசியல் தரப்பும் வாழ்த்துகளை தெரிவித்து வருகின்றன. ரசிகர்கள் சமூக வலைத்தளங்களில் ஹேஷ்டேக் டிரெண்டுகள் உருவாக்கி கொண்டாடி வருவதுடன், பல பிரபலங்களும் அவருக்கு வாழ்த்து செய்திகளை பகிர்ந்து வருகின்றனர்.
அதில் முக்கியமாக, மக்கள் நீதி மய்யம் தலைவரும், நடிகரும், அரசியல்வாதியுமான கமல்ஹாசன் அவர்கள் வழங்கிய வாழ்த்து தற்போது வைரலாகியுள்ளது. “மாண்புமிகு தமிழ்நாடு முதலமைச்சர், தமிழக வெற்றிக் கழகத்தின் தலைவர், பல கோடி இதயங்களின் அன்பைப் பெற்றிருக்கும் அன்புத் தம்பி விஜய் அவர்களுக்கு மனமார்ந்த பிறந்தநாள் வாழ்த்துகள்” என்று அவர் கூறிய பதிவு சமூக வலைத்தளங்களில் பரவி வருகிறது.
இந்த வாழ்த்து அரசியல் மற்றும் திரையுலக வட்டாரங்களில் அதிக கவனத்தை பெற்றுள்ளது. விஜய் சமீபகாலமாக தனது அரசியல் பயணத்தை தீவிரப்படுத்தி வரும் நிலையில், பல்வேறு தலைவர்கள் அவருக்கு வாழ்த்து தெரிவிப்பது குறிப்பிடத்தக்கதாக பார்க்கப்படுகிறது. ரசிகர்கள் இதை ஒரு மரியாதையான மற்றும் நட்பான அரசியல் உரையாடலாகக் கருதி பகிர்ந்து வருகின்றனர்.
இதே நேரத்தில், விஜய்யின் பிறந்தநாளை முன்னிட்டு அவரது படக்காட்சிகள், பாடல்கள், பழைய நினைவுகள் ஆகியவற்றையும் ரசிகர்கள் அதிகமாக பகிர்ந்து, சமூக வலைத்தளங்கள் முழுவதும் கொண்டாட்டமாக மாற்றியுள்ளனர்.
.png)
.png)
Listen News!