கேரளாவில் கலக்கும் தமிழ் ஹீரோ...!ரசிகர்களுக்கு காத்திருக்கும் சப்பிறைஸ்..!

தமிழ் சினிமாவில் உன்னதமாக வளர்ச்சி பெற்ற முன்னணி நடிகர்களில் ஒருவர் சிவகார்த்திகேயன். தனிப்பட்ட நடிப்பாற்றலினால் ரசிகர்களின் மனதில் தனித்த இடத்தை பிடித்துள்ளார். தற்போது அவர் தொடர்பான சில முக்கியமான அப்டேட்டுக்கள் ரசிகர்கள் மத்தியில் பெரும் வரவேற்பைப் பெற்றுள்ளன.

சிவகார்த்திகேயன் நடித்துள்ள அடுத்த பெரிய திரைப்படம் 'மதராஸி'. இந்த படத்தை பிரபல இயக்குநர் ஏ.ஆர். முருகதாஸ் இயக்கியுள்ளார். தமிழ் சினிமாவில் ஹிட் கொடுத்த இயக்குநர் முருகதாஸ் மற்றும் சிவகார்த்திகேயன் இணையும் முதல் படம் என்பதால் 'மதராஸி' திரைப்படத்தின் மீதான எதிர்பார்ப்பு அதிகமாகவே உள்ளது.

'மதராஸி' திரைப்படத்தின் படப்பிடிப்பு முற்றிலும் நிறைவடைந்துள்ளதாக படக்குழுவினர் அறிவித்துள்ளனர். தற்போது படத்திற்கான போஸ்ட் பணிகள் வேகமாக நடைபெற்று வருகின்றது. இப்படம் செப்டெம்பர் மாதம் திரையரங்குகளில் வெளியாகும் என எதிர்பார்க்கப்படுகின்றது. இப்படத்தில் சிவகார்த்திகேயன் ஒரு சாதாரண இளைஞராக இருந்து சமூக நலத்திற்காக போராடும் கதாபாத்திரத்தில் நடிக்கின்றார் என்பது குறிப்பிடத்தக்கது.

இத்திரைப்படத்தில் சிவகார்த்திகேயனுடன் அதர்வா, ஸ்ரீலீலா மற்றும் ரவி மோகன் ஆகியோர் முக்கியமான கதாப்பாத்திரங்களில் நடித்து வருகின்றனர். கல்லூரி பின்னணியில் நடைபெறும் இந்தக் கதையில், சிவகார்த்திகேயன் ஒரு கல்லூரி மாணவனாக நடித்திருக்கின்றார். இது அவரது ரசிகர்களுக்கு ஒரு புதிய அனுபவமாக இருக்கும் என எதிர்பார்க்கப்படுகின்றது.

சமீபத்தில் நடிகர் சிவகார்த்திகேயன் ரசிகர்களை ஆச்சரியப்படுத்தும் ஒரு நிகழ்வை நிகழ்த்தியுள்ளார். அவர் நேரடியாக கேரள மாநில முதல்வர் பினராயி விஜயனை அவரது இல்லத்தில் சந்தித்தார். இருவரும் நட்புடன் உரையாடி, முக்கிய விடயங்கள் குறித்து கலந்துரையாடியதாக தகவல்கள் வெளியாகியுள்ளன.

இச்சந்திப்பு குறித்து கேரள முதல்வர் பினராயி விஜயன் தனது இன்ஸ்டாகிராம் பக்கத்தில் ஒரு புகைப்படத்தை பகிர்ந்துள்ளார். புகைப்படத்தில் இருவரும் சந்தித்து நட்புறவோடு பேசும் காட்சி ரசிகர்களிடையே பெரும் வரவேற்பை பெற்றுள்ளது. ரசிகர்கள் இதனை "சிறப்பான சந்திப்பு" எனப் புகழ்ந்து வருகின்றனர்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை