தமிழ் திரையுலகின் மறக்க முடியாத இயக்குநர் இமயம் எனப் போற்றப்படும் பாரதிராஜா அவர்களின் மறைவு திரையுலகிலும் ரசிகர்களிடையிலும் ஆழ்ந்த துயரத்தை ஏற்படுத்தியுள்ளது.
கிராமிய வாழ்வை இயல்பாகவும் உணர்வுபூர்வமாகவும் திரையில் பதிவு செய்த அவர், தமிழ் சினிமாவின் கதை சொல்லும் முறையையே மாற்றியமைத்த முன்னோடி எனப் பார்க்கப்படுகிறார். அவரது மறைவிற்கு அரசியல் தலைவர்கள், திரை பிரபலங்கள் மற்றும் பல்வேறு தரப்பினரும் தொடர்ந்து இரங்கல் தெரிவித்து வருகின்றனர்.
அந்த வகையில், இந்திய பிரதமர் நரேந்திர மோடி தனது இரங்கல் செய்தியில் பாரதிராஜாவின் பங்களிப்பை சிறப்பாக நினைவு கூர்ந்துள்ளார். “பாரதிராஜாவின் மறைவு மிகுந்த வருத்தமளிக்கிறது. அவர் தமிழ் சினிமாவை புதிய கோணத்தில் மாற்றியமைத்த படைப்புகளை வழங்கியவர். தமிழ் திரையுலகின் மிகச்சிறந்த ஆளுமையாக திகழ்ந்தார்.” என அவர் தெரிவித்துள்ளார்.
பிரதமரின் இந்த இரங்கல் செய்தி சமூக வலைத்தளங்களிலும் ஊடகங்களிலும் பெரிதும் கவனம் பெற்றுள்ளது. இதன்மூலம் பாரதிராஜாவின் கலைப் பங்களிப்பு தேசிய அளவிலும் மதிப்பிடப்படுவதை இது வெளிப்படுத்துகிறது.
தமிழ் சினிமாவின் அடையாளமாக விளங்கிய அவருக்கு உலகம் முழுவதும் இருந்து அஞ்சலி செலுத்தப்பட்டு வருகிறது. அவரது படைப்புகள் என்றும் ரசிகர்களின் மனங்களில் நிலைத்திருக்கும் என பலரும் நினைவு கூர்கின்றனர்.
.png)
.png)
Listen News!