அச்சுறுத்தலா.? காவல் நிலையம் சென்ற நடிகை கனகா.! – நடந்தது என்ன.?

தமிழ் சினிமா ரசிகர்கள் மறக்க முடியாத 1980களின் பொற்கால திரைப்படங்களில் ஒன்று ‘கரகாட்டக்காரன்’. அதில் நாயகியாக அறிமுகமானவர் நடிகை கனகா. தனது அழகு, நடிப்பு, கூத்து நடனம் ஆகியவற்றில் வல்லவராகத் திகழ்ந்த இவர், ஒரு காலகட்டத்தில் சிறப்பாக இருந்த நடிகையாக வலம் வந்தார். ஆனால் திடீரென சினிமா வட்டாரத்தில் இருந்து மறைந்து, தனிமையில் தன்னை மூடியது அனைவருக்கும் ஆச்சரியத்தை ஏற்படுத்தியது.

இந்நிலையில், பத்திரிகையாளர் சுபைர் அவர் பற்றி வெளியிட்ட சமீபத்திய கருத்துகள், சமூக வலைத்தளங்களில் புதிய பரபரப்பை உருவாக்கியுள்ளது. அழகிய, தென்றலான முகபாவனைகளுடன், நடனத் திறமையோடு அறிமுகமான கனகா, இயக்குநர் கங்கை அமரன் இயக்கிய ‘கரகாட்டக்காரன்’ திரைப்படத்தின் மூலம் திரையுலகில் கால் பதித்தார்.

இப்படம் தமிழகம் முழுவதும் பாக்ஸ் ஆஃபிஸில் சாதனை படைத்தது, மக்கள் மனதில் கனகா ஒரு சிறப்பான நாயகியாக பதிய ஆரம்பித்தார். பத்திரிகையாளர் சுபைர் அளித்த பேட்டியில், "கனகாவும், அவரது தாயார் தேவிகாவும், முதலில் ‘கரகாட்டக்காரன்’ படத்துக்கு ஒப்புக்கொள்ளவில்லை. ஆனால் கங்கை அமரனின் வற்புறுத்தல் மூலம் தான் அவர்கள் ஒத்துக்கொண்டார்கள்." எனத் தெரிவித்தார்.

இந்த தகவல், ரசிகர்களுக்கு பழைய நினைவுகளை மீட்டெடுக்க வைத்தது. அந்த படத்திற்குப் பின்னர் கனகா ஒரு நம்பிக்கைக்குரிய நடிகையாக வலம் வந்தார் என்பது குறிப்பிடத்தக்கது. கனகா இப்போது திரையுலகில் இல்லை என்றாலும், சமீப காலங்களில் அவர் குறித்து வெளியான தகவல்கள் பரவலாக பேசப்படுகின்றன.

சுபைரர் மேலும், அவரது வீட்டுக்கு பக்கத்திலுள்ள ஒருவருடன் சுற்றுச்சுவர் சிக்கல் ஏற்பட்டது. இந்த பிரச்சனை தொடர்பாக, அவர் காவல் நிலையத்தில் புகார் அளித்துள்ளார். அந்த சொத்து ஓர் வழக்கின் கீழ் இருப்பதாகவும், சட்ட ரீதியாக விசாரணை நடைபெற்று வருவதாகவும் கூறப்படுகிறது.

இதே நேரத்தில், ஒரு மாலில் ஆர்ஜே ஒருவர் கனகாவை சந்தித்து, அவருடன் புகைப்படம் எடுத்ததுடன் பேட்டியும் கொடுத்திருந்தார். அந்த பேட்டி விரைவில் வெளியாகலாம். அவர் மீண்டும் திரையுலகை நோக்கி வருகிறாரா என்பதை அறியும் வகையில் அந்தப் பேட்டி அமையும்.” எனவும் சுபைரர் தெரிவித்தார்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை