'முதல் நீ முடிவும் நீ' திரைப்படத்தின் மூலம் தமிழ் சினிமாவில் புகழ்பெற்ற நடிகராக வலம் வந்தவர் கிஷன் தாஸ். இந்த படமும், அதில் இடம்பெற்ற புகழ்பெற்ற பாடலுமான ‘முதல் நீ முடிவும் நீ’ என்பதும் அவரை ரசிகர்களிடம் நன்கு அறிமுகமாக்கின. இதனைத் தொடர்ந்து 'சிங்க்' மற்றும் 'தருணம்' போன்ற படங்களில் கிஷன் தாஸ் நடித்துள்ளார்.
இதேபோல், பிரபல யூடியூபராக அறியப்படும் ஹர்ஷத் கான், கடந்த பிப்ரவரி மாதத்தில் வெளியான டிராகன் படத்தின் மூலம் பெரிய திரையில் அறிமுகமானார். இப்படத்தில் அவர் நடித்த முக்கியக் கதாபாத்திரம் ரசிகர்களிடையே நல்ல வரவேற்பைப் பெற்றது. தற்போது, இயக்குநர் விஜய் சேதுபதி இயக்கும் டயங்கரம் என்ற புதிய படத்திலும் ஹர்ஷத் கான் முக்கிய கதாபாத்திரத்தில் நடிக்கவிருக்கிறார்.
இந்த நிலையில், கிஷன் தாஸ் மற்றும் ஹர்ஷத் கான் இருவரும் சேர்ந்து நடிக்கும் புதிய திரைப்படம் ஆரோமலே. இந்த படத்தை மினி ஸ்டுடியோஸ் நிறுவனம் தயாரிக்கிறது. படத்தின் ஒரு முன்னோட்ட காட்சியை இன்று மாலை 5 மணிக்கு வெளியிட உள்ளதாக படக்குழுவினர் அறிவித்துள்ளனர். இந்த முன்னோட்டக் காட்சியை நடிகர் விஜய் சேதுபதி தனது பக்கத்தில் வெளியிடுகிறார்.
ஆரோமலே படத்தை சாரங் தியாகு இயக்க, இசையமைப்பை சித்து குமார் மேற்கொள்கிறார். ஒளிப்பதிவை கவுதம் ராஜேந்திரன் கவனிக்கிறார். சமீபத்தில் வெளியான படத்தின் தலைப்பு புரொமோவுக்கு சமூக வலைத்தளங்களில் நல்ல வரவேற்பு கிடைத்துள்ளது.
.png)
.png)
Listen News!