• Nov 16 2026

ரசிகர்களிடம் பகிரங்கமாக மன்னிப்புக் கேட்ட தனுஷ்.! என்ன நடந்தது?

shali / 1 week ago

Advertisement

Listen News!

ஆயிரக்கணக்கான ரசிகர்கள் நுழைவுச்சீட்டு வைத்திருந்தும் நிகழ்ச்சிக்குள் அனுமதிக்கப்படாமல் திரும்பிச் சென்ற சம்பவம் தொடர்பில் நடிகர் தனுஷ் தனது வருத்தத்தை வெளிப்படுத்தியுள்ளார்.

தமிழ் சினிமாவில் முன்னணி நடிகர்களில் ஒருவராக வலம் வரும் தனுஷ், அண்மையில் நடைபெற்ற நிகழ்ச்சி ஒன்றில் ரசிகர்கள் எதிர்கொண்ட அசௌகரியம் குறித்து தனது சமூக வலைத்தளப் பக்கத்தில் பதிவிட்டுள்ளார்.

குறித்த நிகழ்ச்சியில் கலந்துகொள்வதற்காக ஆயிரக்கணக்கான ரசிகர்கள் முன்கூட்டியே நுழைவுச்சீட்டுகளைப் பெற்றிருந்ததாகக் கூறப்படுகிறது. இருப்பினும், பல ரசிகர்களுக்கு நிகழ்ச்சிக்குள் நுழைய முடியாத நிலை ஏற்பட்டுள்ளது. இதனால் பெரும் எதிர்பார்ப்புடன் வந்த ரசிகர்கள் ஏமாற்றத்துடன் திரும்பிச் செல்ல வேண்டிய சூழல் உருவாகியுள்ளது.

இந்தச் சம்பவம் தொடர்பில் தனது 'X' தளத்தில் பதிவிட்டுள்ள நடிகர் தனுஷ், ரசிகர்கள் இவ்வாறு ஏமாற்றத்துடன் திரும்பிச் சென்றது தனது மனதிற்கு மிகவும் வேதனையளிப்பதாகக் குறிப்பிட்டுள்ளார்.

மேலும், இந்தச் சம்பவத்திற்கு யார் காரணம் என்பதை ஆராய விரும்பவில்லை என்றும், இதற்கான முழுப் பொறுப்பையும் தானே ஏற்றுக்கொண்டு தனது வருத்தத்தைத் தெரிவித்துக் கொள்வதாகவும் தெரிவித்துள்ளார்.

அத்துடன், எதிர்காலத்தில் இவ்வாறான சம்பவங்கள் மீண்டும் இடம்பெறாமல் பார்த்துக்கொள்வது தனது பொறுப்பு எனவும் உறுதியளித்துள்ளார்.

தனுஷின் இந்த வெளிப்படையான வருத்தமும் பொறுப்பேற்கும் அணுகுமுறையும் தற்போது ரசிகர்கள் மத்தியில் கவனத்தை ஈர்த்துள்ளதுடன், அவர் வெளியிட்டுள்ள பதிவு சமூக வலைத்தளங்களில் வைரலாகி வருகின்றது.


Advertisement

Advertisement