இயக்குநர் மாரி செல்வராஜ் இயக்கத்தில், துருவிக்ரம் நடித்த ‘பைசன்’ திரைப்படம் கடந்த ஆண்டு வெளியாகி நல்ல வரவேற்பைப் பெற்றது. சமூக உணர்வுகளும் வலுவான கதைக்களமும் கொண்ட இப்படம், துருவ் விக்ரமின் நடிப்பை ரசிகர்கள் மத்தியில் மேலும் உயர்த்தியது.
இந்தப் படத்தின் வெற்றியைத் தொடர்ந்து, துருவ் விக்ரம் அடுத்ததாக எந்த இயக்குநருடன் இணைவார் என்ற எதிர்பார்ப்பு ரசிகர்களிடையே அதிகரித்திருந்தது. இந்நிலையில், அவரது அடுத்த திரைப்படம் குறித்த முக்கிய அப்டேட் தற்போது வெளியாகியுள்ளது.
அதன்படி, அறிமுக இயக்குநரான கரண் அரவிந்த் குமார் இயக்கத்தில் துருவ் விக்ரம் நடிக்க உள்ளதாக தகவல்கள் வெளியாகியுள்ளன. கரண் அரவிந்த் குமார், இதற்கு முன் துருவ் நடித்த ‘ஆதித்யா வர்மா’ படத்தில் துணை இயக்குநராக பணியாற்றியவர். அதனால், துருவ் விக்ரமின் நடிப்பு பாணி மற்றும் திறமைகளை நன்கு அறிந்தவராக இவர் பார்க்கப்படுகிறார்.
மேலும், ‘கருப்பு’ திரைப்படத்தின் எழுத்தாளர்களில் ஒருவராகவும் கரண் அரவிந்த் குமார் இருந்துள்ளார் என்பதும் குறிப்பிடத்தக்கது. இது அவரது கதையமைப்பு திறனை வெளிப்படுத்துகிறது.
இந்த புதிய கூட்டணி ரசிகர்களிடையே எதிர்பார்ப்பை அதிகரித்துள்ளது. துருவ் விக்ரம் தனது அடுத்த படத்தின் மூலம் மேலும் ஒரு புதிய பரிமாணத்தை காட்டுவார் என அனைவரும் ஆவலுடன் ரசிகர்கள் காத்திருக்கின்றனர்.
.png)
.png)
Listen News!