கவின் நடிக்கும் கிஸ் படத்தின் ட்ரெய்லரை வெளியிட்ட படக்குழு..!ரசிகர்கள் மத்தியில் வைரல்...!

தமிழ் திரையுலகில் முன்னணி நடன இயக்குநராக புகழ் பெற்ற சதீஷ், தற்போது தனது இயக்குனர் கனவை நனவாக்கி இயக்கும் முதல் படம் ‘கிஸ்’. டாடா மற்றும் ப்ளடி பெக்கர் திரைப்படங்களின் வெற்றியை தொடர்ந்து, இளம் நடிகர் கவின் இப்படத்தில் கதாநாயகனாக நடிக்கிறார்.

இந்த திரைப்படத்தில் அயோத்தி படத்தின் மூலம் பிரபலமான ப்ரீத்தி அஸ்ரானி கதாநாயகியாக நடித்திருக்கிறார். ‘கிஸ்’ திரைப்படத்தை ரோமியோ பிக்சர்ஸின் ராகுல் மிகவும் மதிப்புடன் தயாரித்து வருகின்றார்.

தொழில்நுட்பக் குழுவில் – ஒளிப்பதிவு ஹரீஷ், படத்தொகுப்பு ஆர்சி பிரனவ் மற்றும் இசை அமைப்பு ஜென் மார்டின் என திறமையான கலைஞர்கள் பங்களிக்கின்றனர். காதல், கலாட்டா மற்றும் இளைஞர்களை கவரும் கலவையில் உருவாகியுள்ள ‘கிஸ்’ திரைப்படத்தின் ட்ரெய்லர் தற்போது வெளியிடப்பட்டுள்ளது.

வெளியான சில மணி நேரங்களிலேயே, ட்ரெய்லர் சமூக வலைத்தளங்களில் வைரலாக பரவி வருவது, ரசிகர்களிடையே எதிர்பார்ப்பை தூண்டியுள்ளது. காதல் கதைக்கு புதிய வடிவம் கொடுக்கும் விதத்தில் இப்படம் உருவாகியுள்ளது என படக்குழுவினர் நம்பிக்கை தெரிவிக்கின்றனர்.

‘கிஸ்’ திரைப்படம் செப்டம்பர் 19ஆம் தேதி உலகளாவிய ரீதியில் வெளியீடாகிறது. காதல், இசை, நடனம் என அனைத்தையும் கொண்ட ஒரு கலக்கல் பொழுதுபோக்கு படமாக இது உருவாகி உள்ளது.