புதிய திருப்பத்துடன் வெளியான "டில்லி ரிட்டன்ஸ்..."மீண்டும் இணைந்த வெற்றிகரமான கூட்டணி!

தென்னிந்திய திரையுலகில் இயக்குநர் லோகேஷ் கனகராஜ் திரைக்கதைகளால் தனக்கென ஒரு இடத்தை பிடித்துள்ளார். அவரது இயக்கத்தில் 2019ம் ஆண்டு வெளியான "கைதி" திரைப்படம், ரசிகர்களிடையே பெரிய வரவேற்பைப் பெற்றது. கதையின் ஆக்‌ஷன் மற்றும் திரில்லர் அம்சங்கள் தமிழ் திரையுலகில் முன்னணிப் படங்களில் ஒன்றாக இதனை உயர்த்தியது. கார்த்தியின் கதாப்பாத்திரம், படத்தின் திரைக்கதை மற்றும் பின்னணி இசை என அனைத்துமே ரசிகர்களின் மனதை வெகுவாகக் கவர்ந்தன.

சமீபத்தில் நடிகர் கார்த்தி, இயக்குநர் லோகேஷ் கனகராஜை சந்தித்த புகைப்படம் சமூக வலைதளங்களில் வைரலாகியுள்ளது. அந்த புகைப்படத்துடன், "டில்லி ரிட்டன்ஸ் இந்த ஆண்டு மேலும் சிறப்பாக அமையும்" என்று பதிவிட்டிருந்தனர். இதன் மூலம், "கைதி 2" படத்திற்கான அதிகாரப்பூர்வ அறிவிப்பு விரைவில் வெளியாகும் என்று ரசிகர்கள் உறுதியாக நம்புகிறார்கள்.

"கைதி" திரைப்படத்தின் தொடர்ச்சியாகவே "கைதி 2" வரப்போகிறது என்று எதிர்பார்க்கப்படுகிறது. முதல் பாகத்தில் நாயகன் டில்லி விடுதலையடைந்து தனது மகளை சந்திக்க செல்லும் போது படம் முடிகிறது. இதன் தொடர்ச்சியான இரண்டாம் பாகம் எந்த சூழ்நிலையில் அமைக்கின்றது எனப் பலரும் கருத்துத் தெரிவிக்கின்றனர்.

"கைதி 2" குறித்த செய்திகள் வெளியான பிறகு, சமூக வலைதளங்களில் ரசிகர்கள் தங்கள் எதிர்பார்ப்புகளை பகிர்ந்து வருகின்றனர். மேலும் முன்னணி இயக்குநர் லோகேஷ் கனகராஜ் மற்றும் நடிகர் கார்த்தியின் கூட்டணி திரைப்பட உலகில் பெரும் எதிர்பார்ப்பை உருவாக்கியுள்ளது.