ரிலீஸுக்கு முன்பே கொடிகட்டிப் பறக்கும் "தக் லைஃப்".! வெளியான டிக்கெட் புக்கிங் விபரம் இதோ!

தமிழ் சினிமாவில் நம்பிக்கையான ஹீரோவாக இருக்கும் கமல்ஹாசன் மற்றும் மாஸ் ஹீரோவாக வளர்ந்துவரும் சிலம்பரசன் ஆகியோர் இணைந்திருக்கும் ‘தக் லைஃப்’ திரைப்படம், இப்பொழுது ரசிகர்களிடையே வரலாற்று முக்கியத்துவம் வாய்ந்த புக்கிங் சாதனை ஒன்றை பதிவு செய்துள்ளது.

மிகுந்த எதிர்பார்ப்பில் இருக்கும் ‘தக் லைஃப்’ திரைப்படம், Book My Show ஆகிய ஆன்லைன் தளத்தில் கடந்த 24 மணி நேரத்தில் மட்டும் சுமார் 50,000 டிக்கெட்டுகள் முன்பதிவு செய்யப்பட்டுள்ளன. இது எந்தவொரு தமிழ் படத்திற்கும் ஏற்படாத ஒரு Record எனக் கூறப்பட்டுள்ளது.

இந்த புக்கிங் எண்ணிக்கையிலேயே ரசிகர்களின் எதிர்பார்ப்பு எவ்வளவு அதிகமாக உள்ளதென்பது வெளிப்படையாகத் தெரிகின்றது. தக் லைஃப் படத்தில் கமல் மற்றும் சிம்பு இருவரும் இணைந்து ஒரு மாஸான கதையை கொண்டு வருகின்றனர். மணிரத்தினம் இயக்கும் இப்படம், சமூகத்தின் சூழ்நிலையை பிரதிபலிக்கும் வகையில் உருவாகி வருகின்றது. இப்படத்தின் பர்ஸ்ட் லுக், டீசர் மற்றும் பாடல்கள் ரசிகர்களிடம் பரபரப்பை ஏற்படுத்தியுள்ளன.

இப்போது வரை வந்த புக்கிங் தரவுகளின்படி, தியட்டரில் படம் வெளியான முதல் மூன்று நாட்களில் ரூ. 25-30 கோடி வரை வசூல் செய்யும் வாய்ப்பு உள்ளதாக திரையரங்க உரிமையாளர்கள் கணிக்கின்றனர். தமிழ் நாடு மட்டுமின்றி, கேரளா, தெலுங்கானா மற்றும் மும்பை பகுதிகளிலும் ‘தக் லைஃப்’ அதிக எண்ணிக்கையில் திரையிட திட்டமிடப்பட்டுள்ளது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை