இந்திய இலக்கிய உலகில் தனித்துவமான எழுத்தாளராக அறியப்படும் ஆனந்த் நீலகண்டன் எழுதிய கதையை அடிப்படையாகக் கொண்டு உருவாகும் புதிய திரைப்படம் தான் வால்மீகி ராமாயணா. இந்த படத்தை இயக்குநர் பாவ்னா தத்தா தல்வார் இயக்க உள்ளார் என தகவல்கள் வெளியாகியுள்ளன. இதன் மூலம், பாரம்பரிய ராமாயணக் கதையை புதிய கோணத்தில் திரைக்கு கொண்டு வர முயற்சி மேற்கொள்ளப்பட்டுள்ளது.
மேலும், இந்த படத்திற்கு இசையமைப்பாளர் இளையராஜா இசையமைக்கிறார் என்பது ரசிகர்களுக்கு கூடுதல் உற்சாகத்தை ஏற்படுத்தியுள்ளது. அவரது இசை இந்த புராணக் கதைக்கு புதிய உயிர் ஊட்டும் என எதிர்பார்க்கப்படுகிறது.
இதுவரை இப்படத்தில் நடிக்கவுள்ள நடிகர்கள் பற்றிய எந்த தகவலும் வெளியாகாததால், இது அனிமேஷன் திரைப்படமாக இருக்கலாம் என சமூக வலைதளங்களில் பேசப்படுகிறது. அதேசமயம், இப்படம் தொழில்நுட்ப ரீதியாகவும் வித்தியாசமான முயற்சியாக இருக்கும் என கூறப்படுகிறது.
இந்த திரைப்படம் வரும் அக்டோபர் 2, 2026 அன்று, காந்தி ஜெயந்தி நாளை முன்னிட்டு உலகம் முழுவதும் திரையரங்குகளில் வெளியாகும் என அறிவிக்கப்பட்டுள்ளது. இதனால், இந்த படத்திற்கான எதிர்பார்ப்பு ரசிகர்களிடையே அதிகரித்து வருகிறது.
_69e601b6043a2.jpg)
.png)
.png)
Listen News!