குற்றச்செயல்கள் அதிகரிக்க செல்போன் காரணமா? - கருணாஸ் விளக்கம்...

தமிழகத்தில் சமீப காலமாக பாலியல் குற்றங்கள் அதிகரித்துள்ளதாக பல்வேறு புகார்கள் எழுந்துள்ள நிலையில், நடிகர் கருணாஸ், இது தொடர்பாக தனது கருத்துக்களை தெரிவித்துள்ளார்.

கருணாஸ் கூறியதாவது , "தமிழ்நாட்டில் சட்டம், ஒழுங்கு சிறப்பாக உள்ளது. காவல்துறையினர் தங்களின் கடமையை சிறப்பாக நிறைவேற்றி வருகின்றனர். இருப்பினும், சமீப காலமாக பாலியல் குற்றங்கள் அதிகரித்துள்ளன. இதற்கான முக்கிய காரணங்களில் ஒன்றாக செல்போன் பயன்பாடு இருக்கிறது. குற்றச்செயல்கள் அதிகரிக்க செல்போன் ஒரு முக்கியமான காரணியாக விளங்குகிறது," என்று தெரிவித்தார்.

மேலும், சமூக ஊடகங்கள் மற்றும் செல்போன் பயன்பாடு குறித்தும் கருத்து தெரிவித்த அவர், "இன்றைய காலகட்டத்தில் சமூக ஊடகங்கள் மிகவும் வேகமாக வளர்ந்து வருகிறது. இதில் தவறான தகவல்கள், பொய் செய்திகள் அதிகம் பரவுகின்றன. சிலர் இதனை தவறாக பயன்படுத்துவதால், பல்வேறு குற்றச் செயல்கள் நடைபெறுகின்றன. குறிப்பாக, சிறுவர்கள் மற்றும் பெண்கள் சமூக ஊடகங்களில் விழிப்புணர்வுடன் இருக்க வேண்டும்," என தெரிவித்தார்.

பெண்கள் பாதுகாப்பு குறித்து மேலும் விளக்கமளித்த கருணாஸ், "பெண்கள் மற்றும் குழந்தைகளின் பாதுகாப்பு என்பது அரசின் முதல் கடமை. காவல்துறையினர் எப்போதும் விழிப்புடன் இருக்க வேண்டும். மக்களும் விழிப்புணர்வுடன் செயல்பட வேண்டும். குற்றங்களைத் தடுப்பதற்கான நடவடிக்கைகள் தொடர்ந்து மேற்கொள்ளப்பட வேண்டும்," என்று கூறினார்.

தமிழகத்தில் உள்ள சட்டம் மற்றும் காவல்துறையின் நடவடிக்கைகள் குறித்து பேசுகையில், "தமிழ்நாட்டில் எந்தக் குற்றமும் தப்பித்து விட முடியாது. சட்டம் அனைவருக்கும் ஒன்றே. காவல்துறையினர் தங்களின் கடமையை சிறப்பாகச் செய்து வருகின்றனர். குற்றச்செயல்களை தடுப்பதற்கான பல்வேறு நடவடிக்கைகள் அரசு மூலம் மேற்கொள்ளப்பட்டு வருகிறது. இது தொடர்ந்து வலுப்படுத்தப்பட வேண்டும்," என்று தெரிவித்தார்.

சமூகத்திற்கும் ஒரு முக்கியமான வேண்டுகோள் விடுத்த கருணாஸ், "மக்கள் சமூக ஊடகங்களைப் பயன்படுத்தும் போது மிகுந்த கவனத்துடன் இருக்க வேண்டும். தவறான தகவல்களை பகிர்வதை தவிர்க்க வேண்டும். பொறுப்புணர்வுடன் செயல்பட வேண்டும். சிறுவர்கள் மற்றும் இளைய தலைமுறையினர் செல்போன் மற்றும் இணையத்தை எப்படி பயன்படுத்த வேண்டும் என்பதற்கான விழிப்புணர்வு நிகழ்ச்சிகள் அரசு சார்பில் நடத்தப்பட வேண்டும் " எனக் குறிப்பிட்டார்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை