தமிழ் மற்றும் மலையாள திரையுலகில் வேகமாக கவனம் பெற்று வரும் இளம் நடிகை அனிஷ்மா, தற்போது தனது புதிய திரைப்படத்தின் மூலம் மீண்டும் ரசிகர்களின் கவனத்தை ஈர்த்துள்ளார்.
இந்த நிலையில், அவரது பிறந்தநாளை முன்னிட்டு வெளியிடப்பட்டுள்ள ‘மொத ராத்திரி’ திரைப்படத்தின் பர்ஸ்ட் லுக் போஸ்டர் சமூக வலைதளங்களில் வைரலாகி வருகிறது.
மலையாளத்தில் கடந்த 2023ஆம் ஆண்டு வெளியான ‘பூவன்’ திரைப்படத்தின் மூலம் திரையுலகில் அறிமுகமான அனிஷ்மா, தனது இயல்பான நடிப்பால் ரசிகர்களின் பாராட்டைப் பெற்றார். தொடர்ந்து தமிழிலும் தனது பயணத்தை தொடங்கிய அவர், சமீபத்தில் வெளியான ‘சிறை’ மற்றும் ‘யூத்’ திரைப்படங்கள் மூலம் தமிழ் ரசிகர்களிடமும் தனக்கென ஒரு இடத்தை உருவாக்கியுள்ளார்.
இந்த நிலையில், பிரபல தயாரிப்பு நிறுவனமான மைத்ரி மூவி மேக்கர்ஸ் தயாரிப்பில் உருவாகி வரும் ‘மொத ராத்திரி’ திரைப்படத்தில் அனிஷ்மா கதாநாயகியாக நடித்து வருகிறார். ‘குட் பேட் அக்லி’, ‘டியூட்’ ஆகிய படங்களுக்குப் பிறகு, மைத்ரி நிறுவனம் தயாரிக்கும் மூன்றாவது தமிழ் திரைப்படமாக இந்தப் படம் உருவாகி வருகிறது.
இப்படத்தில் நடிகர் ரிஷிகாந்த் கதாநாயகனாக நடிக்க, அவருக்கு ஜோடியாக அனிஷ்மா நடிக்கிறார். வித்தியாசமான கதைக்களத்துடன் உருவாகி வரும் இந்தப் படம் குறித்து ரசிகர்களிடையே ஏற்கனவே எதிர்பார்ப்பு காணப்படும் நிலையில், தற்போது வெளியாகியுள்ள பர்ஸ்ட் லுக் அந்த எதிர்பார்ப்பை மேலும் அதிகரித்துள்ளது.
அனிஷ்மாவின் பிறந்தநாளை முன்னிட்டு படக்குழு வெளியிட்டுள்ள இந்த சிறப்பு போஸ்டரில் அவரது தோற்றம் ரசிகர்களின் கவனத்தை வெகுவாக ஈர்த்துள்ளது. போஸ்டர் வெளியான சில மணி நேரங்களிலேயே சமூக வலைதளங்களில் அதிகம் பகிரப்பட்டு, ரசிகர்களிடையே பேசுபொருளாக மாறியுள்ளது.
புதிய தோற்றத்திலும், புதிய கதாபாத்திரத்திலும் அனிஷ்மா என்ன மாதிரியான நடிப்பை வெளிப்படுத்தப் போகிறார் என்ற ஆர்வம் ரசிகர்கள் மத்தியில் அதிகரித்துள்ள நிலையில், ‘மொத ராத்திரி’ திரைப்படம் குறித்த அடுத்தடுத்த அறிவிப்புகளையும் அவர்கள் ஆவலுடன் எதிர்பார்த்து காத்திருக்கின்றனர்.
.png)
.png)
Listen News!