விஜய் டிவியில் ஒளிபரப்பாகி வரும் ‘சிறகடிக்க ஆசை’ சீரியல், தற்போது ரசிகர்கள் மத்தியில் மிகுந்த வரவேற்பைப் பெற்று வருகிறது. இந்த தொடர் டிஆர்பி தரவரிசையிலும் முன்னிலைப் பிடித்து, தொடர்ச்சியாக நல்ல பார்வையாளர்களை ஈர்த்து வருகிறது.
இந்த சீரியலில் முத்து, மீனா, மனோஜ், ரோகினி போன்ற கதாபாத்திரங்கள் முக்கியமானவையாக இருப்பதோடு, அவற்றிற்கு ரசிகர்களிடையே பெரும் ஆதரவும் கிடைத்து வருகிறது. அதேபோல், துணை கதாபாத்திரங்களும் கதையின் ஓட்டத்தில் முக்கிய பங்காற்றி, பார்வையாளர்களின் கவனத்தை ஈர்த்து வருகின்றன.
அந்த வகையில், சீரியலில் ‘சீதா’ கதாபாத்திரத்தில் நடித்து வருபவர் நடிகை சங்கீதா லியோனிஸ். இவர் கதாநாயகி மீனாவின் தங்கையாக நடித்து வருகிறார். தனது இயல்பான நடிப்பாலும், திரைமுக அழகாலும் குறுகிய காலத்திலேயே தனக்கென ஒரு ரசிகர் பட்டாளத்தை உருவாக்கியுள்ளார்.
மருத்துவப் படிப்பை முடித்துள்ள சங்கீதா, சமூக வலைத்தளங்களிலும் மிகவும் ஆக்டிவாக உள்ளார். அவ்வப்போது தனது புகைப்படங்கள் மற்றும் வீடியோக்களை ரசிகர்களுடன் பகிர்ந்து வருவது வழக்கம்.
இந்த நிலையில், அவர் சமீபத்தில் தனது இன்ஸ்டாகிராம் பக்கத்தில் பகிர்ந்துள்ள புதிய வீடியோ ஒன்று தற்போது வைரலாகி வருகிறது. அந்த வீடியோவில் வெள்ளை நிற உடையில் மிகவும் அழகாகவும் ஸ்டைலாகவும் தோன்றியுள்ளார்.
இதனை பார்த்த ரசிகர்கள், அவரது அழகை பாராட்டி சமூக வலைத்தளங்களில் கமெண்ட் செய்து வருகின்றனர். இதன் மூலம், ‘சீதா’ கதாபாத்திரம் மட்டுமல்லாமல், சங்கீதாவின் தனிப்பட்ட பிரபலமும் நாளுக்கு நாள் அதிகரித்து வருவது குறிப்பிடத்தக்கது.
.png)
.png)
Listen News!