புத்தியவன் ரசையா, இலங்கையின் வடக்கு மாகாணத்தில் பிறந்தவர் என்றும் தற்போது ஐக்கிய இராச்சியத்தின் குடியுரிமை பெற்றவர் என்பதும் குறிப்பிடத்தக்கது. சிறுவயதில் தமிழ் சமூகத்திற்கான நெருக்கடிகளை அனுபவித்துள்ளார். 1984 ஆம் ஆண்டில் இலங்கை உள்நாட்டு போரின் போது, அரசின் ஆயுதப் படையினரால் குற்றமின்றி மூன்று ஆண்டுகள் சிறையில் வைக்கப்பட்டார். சிறைவாசத்திற்குப் பிறகு தொடர்ந்த கண்காணிப்புகள் மற்றும் அவதூறுகள் காரணமாக, 1986 ஆம் ஆண்டில் ஐக்கிய இராச்சியத்திற்கு தஞ்சம் அடைந்தார். இந்த அனுபவம் அவரது வாழ்க்கையின் முக்கிய திருப்பமாக அமைந்தது.
அவர் ஐக்கிய இராச்சியத்தில் உள்ள University of West London-ல் திரைப்படக் கலைத்துறையில் முதுகலைப் பட்டம் பெற்றவர். 2006 ஆம் ஆண்டில் "மண் " திரைப்படத்தின் மூலம் இயக்குனராக அறிமுகமானது அவரது திரை பயணத்தின் தொடக்கமாகும். இந்த திரைப்படம் தமிழர் இடம்பெயர்வையும் சமூக சவால்களையும் மையமாகக் கொண்டது. 2014 ஆம் ஆண்டில் "யாவும் வசப்படும் " என்ற திரைப்படத்தை இயக்கியவர். 2019 ஆம் ஆண்டில் "ஒற்றை பனைமரம் (Otrai Panai Maram)" சர்வதேச அரங்கில் கவனத்தை பெற்றது. இந்த படத்தில் அவரது மகள் அஜாதிகா முதன்மை கதாபாத்திரத்தில் நடித்தார்.
"ஒற்றை பனைமரம்" திரைப்படம் 2024 அக்டோபர் மாதத்தில் தமிழ்நாட்டில் வெளியானது. இந்த படம் வெளியானது பின்பு சிறந்த கதைநாயகங்கள் மற்றும் சமூக சிந்தனையை வெளிப்படுத்தியதற்காக பாராட்டுகள் பெற்றது, அதேசமயம் சில விமர்சனங்களையும் சந்தித்தது.
இயக்குனர் புத்தியவனின் திரைக்கதைகள் தமிழ் அடையாளம் மற்றும் சமூக சவால்களை சித்தரிக்கும் வகையில் அமைந்துள்ளன. 17வது வயதிலேயே ஈழத் தமிழர் உரிமைக்காக அரசியல் செயல்பாடுகளில் ஈடுபட்டார். தமது அனுபவங்களை தனது திரைப்படங்களின் மூலம் வெளிப்படுத்தியவர். தற்போது, தனது மனைவி அனுலா மற்றும் இரு மகள்களுடன் ஐக்கிய இராச்சியத்தில் வாழ்ந்து வருகிறார்.
.png)
.png)
Listen News!