தெலுங்கு நடிகர் வருண் தேஜ் தனது அடுத்த படமான ‘BHARI’க்காக கடுமையாக ஈடுபட்டு வந்த நிலையில், பயிற்சியின் போது காயமடைந்துள்ளார் என்ற தகவல் ரசிகர்களை கவலைக்குள் ஆழ்த்தியுள்ளது. கைப்பந்து விளையாட்டு அடிப்படையாக கொண்ட இந்த திரைப்படத்திற்காக அவர் தீவிரமாக பயிற்சி மேற்கொண்ட போது முழங்காலில் காயம் ஏற்பட்டதாக கூறப்படுகிறது.
இதையடுத்து அவருக்கு சிறிய அளவிலான அறுவை சிகிச்சை செய்யப்பட்டு, தற்போது மருத்துவர்களின் கண்காணிப்பில் சிகிச்சை பெற்று வருகிறார். இந்த தகவல் அவரது சகோதரி நிஹாரிகா கொனிடேலா இன்ஸ்டாகிராம் வழியாக பகிரப்பட்டதாக தெரிவிக்கப்படுகிறது. ரசிகர்கள் பலரும் சமூக வலைத்தளங்களில் அவரது விரைவான நலனுக்காக பிரார்த்தனை செய்து வருகின்றனர்.
‘BHARI’ திரைப்படம் யது வம்சி இயக்கத்தில் உருவாகும் ஒரு விளையாட்டு ஆக்ஷன் படமாகும். இதை நிஹாரிகா கொனிடேலா தயாரித்து வருவது குறிப்பிடத்தக்கது. இந்த படம் 2027 சங்கராந்தி திருவிழாவை முன்னிட்டு வெளியாகும் என எதிர்பார்க்கப்படுகிறது.
காயம் காரணமாக படப்பிடிப்பில் சிறிய தாமதம் ஏற்படக்கூடும் என்றாலும், வருண் தேஜ் விரைவில் குணமடைந்து மீண்டும் படப்பிடிப்பில் கலந்துகொள்வார் என படக்குழு நம்பிக்கை தெரிவித்துள்ளது.
.png)
.png)
Listen News!