தமிழ் சினிமாவின் முன்னணி நடிகர்களில் ஒருவரான விஷால் தற்போது ‘மகுடம்’ திரைப்படத்தில் தீவிரமாக நடித்து வருகிறார். இந்த படத்தைச் சுற்றியுள்ள அப்டேட்கள் ரசிகர்கள் மத்தியில் நல்ல எதிர்பார்ப்பை உருவாக்கியுள்ளன. படத்தில் கதாநாயகியாக துஷாரா விஜயன் நடிக்கிறார். மேலும் முக்கியமான கதாபாத்திரத்தில் நடிகை அஞ்சலியும் இணைந்துள்ளதால் படத்தின் மீதான ஆர்வம் அதிகரித்துள்ளது.
இந்த திரைப்படத்திற்கு பிரபல இசையமைப்பாளர் ஜி.வி. பிரகாஷ் குமார் இசையமைத்து வருகிறார். அவரது இசை இந்த படத்தின் முக்கிய பலங்களில் ஒன்றாக இருக்கும் என ரசிகர்கள் நம்பிக்கை தெரிவித்துள்ளனர். இந்நிலையில், இன்று தனது பிறந்தநாளை கொண்டாடும் ஜி.வி. பிரகாஷ் குமாருக்கு ‘மகுடம்’ படக்குழு சிறப்பு போஸ்டர் ஒன்றை வெளியிட்டு வாழ்த்து தெரிவித்துள்ளது.
அதோடு மட்டுமல்லாமல், படத்தின் முதல் சிங்கிளான ‘Rise Of Linga’ பாடல் இன்னும் ஓரிரு நாட்களில் வெளியாகும் என்றும் அதிகாரபூர்வமாக அறிவிக்கப்பட்டுள்ளது. இந்த அறிவிப்பு ரசிகர்களை உற்சாகத்தில் ஆழ்த்தியுள்ளது. பாடலின் தலைப்பே ரசிகர்களிடையே பெரும் எதிர்பார்ப்பை ஏற்படுத்தியுள்ள நிலையில், ஜி.வி. பிரகாஷின் இசையில் இந்த பாடல் எப்படி இருக்கும் என்பதை அறிய அனைவரும் ஆவலுடன் காத்திருக்கின்றனர்.
விரைவில் வெளியாகவுள்ள இந்த முதல் சிங்கிள், ‘மகுடம்’ திரைப்படத்தின் மீதான எதிர்பார்ப்பை மேலும் உயர்த்தும் என்று படக்குழு நம்பிக்கை தெரிவித்துள்ளது.
.png)
.png)
Listen News!