இசை துறையில் ராப் பாடகராக தனது பயணத்தை தொடங்கி, பின்னர் தமிழ் திரையுலகில் இசையமைப்பாளராகவும் நடிகராகவும் தன்னை நிலைநிறுத்திக் கொண்டவர் ஹிப் ஹாப் ஆதி. ‘ஆம்பள’, ‘தனி ஒருவன்’, ‘அரண்மனை’ போன்ற வெற்றிப்படங்களுக்கு இசையமைத்ததன் மூலம் ரசிகர்கள் மத்தியில் தனக்கென தனி அடையாளத்தை உருவாக்கினார்.
பின்னர் 2017-ஆம் ஆண்டு வெளியான ‘மீசைய முறுக்கு’ திரைப்படத்தின் மூலம் இயக்குனராகவும் நடிகராகவும் புதிய பரிமாணத்தில் அறிமுகமானார். இளமை, காதல், நட்பு, கல்லூரி வாழ்க்கை ஆகியவற்றை எளிமையாகவும் உணர்வுபூர்வமாகவும் காட்டிய இந்த படம் மிகப்பெரிய வரவேற்பை பெற்றது.
முதல் பாகத்தின் வெற்றியை தொடர்ந்து தற்போது அதன் தொடர்ச்சியாக ‘மீசைய முறுக்கு 2’ உருவாகியுள்ளது. இந்த படத்தையும் ஆதி இயக்கி, முக்கிய கதாபாத்திரத்தில் நடித்துள்ளார். சுந்தர் சி மற்றும் குஷ்பு இணைந்து தயாரிக்கும் இந்த படத்தில் சைத்ரா, கெட்டிகா சர்மா, ரம்யா ரங்கநாதன் ஆகிய மூன்று கதாநாயகிகள் நடித்துள்ளனர். மேலும் நாசர், கருணாஸ், ஆடுகளம் நரேன் உள்ளிட்ட பல முன்னணி நடிகர்களும் முக்கிய வேடங்களில் நடித்துள்ளனர்.
சமீபத்தில் இந்த படத்திலிருந்து ‘ஆரா 10/10’ மற்றும் ‘பப்பாளி பழமே’ ஆகிய பாடல்கள் வெளியாகி ரசிகர்களிடையே நல்ல வரவேற்பை பெற்றன. சமூக வலைத்தளங்களில் இந்த பாடல்கள் வைரலாக பரவி வருகின்றன.
இந்நிலையில், படக்குழு தற்போது மூன்றாவது பாடலாக ‘கோயிந்தம்மா’ பாடலை வெளியிட இருப்பதாக அதிகாரபூர்வமாக அறிவித்துள்ளது. இந்த பாடல் வருகிற 21ஆம் தேதி (நாளை) வெளியாகும் என தெரிவிக்கப்பட்டுள்ளது.
முதல் இரண்டு பாடல்களைப் போலவே இந்த புதிய பாடலும் ரசிகர்களை கவரும் வகையில் இருக்கும் என எதிர்பார்க்கப்படுகிறது. குறிப்பாக இளமை துள்ளும் இசை, ஆதி அவர்களின் தனித்துவமான ராப் ஸ்டைல், மற்றும் வண்ணமயமான காட்சிகள் ஆகியவை இணைந்து இந்த பாடலை மேலும் பிரபலமாக்கும் என ரசிகர்கள் ஆவலுடன் காத்திருக்கின்றனர்.
The third single #Goindhamma from #MeesayaMurukku2 is dropping TOMORROW! 💥🔥@hiphoptamizha @RamyaRanganathn@khushsundar @benzzmedia #ACSArunKumar #Ananditasundar@iamkaushikkrish @cedricsherwin@dir_aswin @OliverFenny @balaji_dop13 @santhoshchoreo @PoornimaRamasw1… pic.twitter.com/gNR8s3Xgd7
— Avni Cinemax (@AvniCinemax_) May 20, 2026
.png)
.png)
Listen News!