இயக்குநர் நந்தினி ரெட்டி இயக்கத்தில் நடிகை சமந்தா முதன்மை கதாபாத்திரத்தில் நடித்துள்ள 'எங்கள் தங்கம்' திரைப்படம் கடந்த வாரம் உலகம் முழுவதும் திரையரங்குகளில் வெளியானது. இந்த படத்தை சமந்தா தனது கணவருடன் இணைந்து தயாரித்திருப்பதும் ரசிகர்களின் கவனத்தை ஈர்த்தது.
குடும்ப உறவுகள், உணர்வுகள் மற்றும் பெண்மையை மையமாகக் கொண்டு உருவாகியுள்ள இப்படத்தில், சமந்தாவுடன் கௌதமி, ஸ்ரீமுகி, குல்ஷன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
நீண்ட இடைவேளைக்குப் பிறகு சமந்தா நடித்த படம் என்பதால், 'எங்கள் தங்கம்' வெளியாகும் முன்பே ரசிகர்கள் மத்தியில் பெரும் எதிர்பார்ப்பு நிலவியது. படம் வெளியான பிறகு, சமந்தாவின் இயல்பான நடிப்பு, உணர்ச்சிபூர்வமான காட்சிகள் மற்றும் நந்தினி ரெட்டியின் திரைக்கதை ஆகியவை பாராட்டுகளை பெற்றுள்ளன. சில தரப்பில் கலவையான விமர்சனங்கள் வந்தாலும், குடும்ப ரசிகர்களின் ஆதரவு படத்திற்கு தொடர்ந்து கிடைத்து வருகிறது.
வசூல் ரீதியாகவும் படம் வலுவான தொடக்கத்தை பெற்றுள்ளது. வெளியான முதல் வாரத்திலேயே தொடர்ந்து நல்ல வரவேற்பை பெற்ற 'எங்கள் தங்கம்', தற்போது பாக்ஸ் ஆபிஸில் 7 நாட்களை நிறைவு செய்துள்ளது. வெளியாகியுள்ள தகவலின்படி, உலகளவில் இப்படம் இதுவரை ரூ.60 கோடிக்கும் மேல் வசூலித்து சாதனை படைத்துள்ளது.
இதன் மூலம் சமந்தாவின் நீண்டநாள் கம்பேக் திரைப்படமாக மட்டுமல்லாமல், இந்த ஆண்டின் வெற்றிப்படங்களின் பட்டியலிலும் 'எங்கள் தங்கம்' இணைந்துள்ளது. வரும் நாட்களிலும் விடுமுறை என்பதால் வசூல் மேலும் அதிகரிக்கும் என திரையுலக வட்டாரங்கள் எதிர்பார்க்கின்றன.
.png)
.png)
Listen News!