2000களில் தமிழ் சினிமாவில் இளைஞர்களை அதிகமாக கவர்ந்த காதல்-ஆக்ஷன் திரைப்படங்களில் முக்கிய இடம் பிடித்த ஒன்று தான் 'தாம் தூம்'. வெளியான காலத்திலேயே அதன் காட்சிப்படுத்தல், பாடல்கள் மற்றும் வித்தியாசமான கதைக்களம் மூலம் ரசிகர்களின் மனதில் நீங்காத இடத்தைப் பெற்ற இந்த படம், தற்போது மீண்டும் திரையரங்குகளில் வெளியாக தயாராகியுள்ளது.
இந்த திரைப்படத்தில் கதாநாயகனாக நடித்த ரவி மோகன் தனது நடிப்பால் ரசிகர்களின் பாராட்டைப் பெற்றார். ஆக்ஷன் மற்றும் காதல் கலந்த கதையில் அவர் காட்டிய நடிப்பு, அப்போது இளைஞர்களிடம் பெரும் வரவேற்பைப் பெற்றது. இப்போது அந்த அனுபவத்தை மீண்டும் திரையில் காண ரசிகர்கள் ஆவலுடன் காத்திருக்கின்றனர்.
இந்த ரீ-ரிலீஸ் வெறும் பழைய படத்தை மீண்டும் வெளியிடுவது மட்டுமல்ல. புதிய தொழில்நுட்பத்தில், டிஜிட்டல் முறையில் முழுமையாக புதுப்பிக்கப்பட்டு, மேம்பட்ட காட்சித் தரத்துடன் (visual quality) மற்றும் 5.1 ஆடியோ சவுண்ட் தரத்துடன் படம் மீண்டும் உருவாக்கப்பட்டுள்ளது. இதன் மூலம், இன்றைய தலைமுறை ரசிகர்களுக்கும், அப்போது படம் பார்த்தவர்களுக்கும் ஒரு புதிய அனுபவம் கிடைக்க உள்ளது.
இந்த படத்தின் மூலம் பாலிவுட் நடிகையான கங்கனா ரணாவத் தமிழில் கதாநாயகியாக அறிமுகமானார் என்பது குறிப்பிடத்தக்கது. அவரது கதாபாத்திரமும், இயல்பான நடிப்பும் ரசிகர்களிடையே நல்ல வரவேற்பைப் பெற்றது.
மேலும், இப்படத்தில் ராய் லக்ஷ்மி, ஜெயராம், போஸ் வெங்கட் மற்றும் மகாதேவன் உள்ளிட்ட பலர் முக்கிய கதாபாத்திரங்களில் நடித்துள்ளனர். இவர்களின் நடிப்பும் படத்தின் வெற்றிக்கு முக்கிய காரணமாக அமைந்தது.
18 ஆண்டுகளுக்குப் பிறகு, இந்த படம் புதுப்பிக்கப்பட்ட தரத்தில் மீண்டும் திரைக்கு வருவது ரசிகர்களுக்கு ஒரு நினைவுப் பயணமாக இருக்கும். வரும் ஏப்ரல் 10 ஆம் தேதி, 'தாம் தூம்' திரைப்படம் மீண்டும் திரையரங்குகளில் வெளியாக உள்ளது.
இந்த ரீ-ரிலீஸ் மூலம், 2000களின் சினிமா அனுபவத்தை மீண்டும் உணர ரசிகர்களுக்கு சிறந்த வாய்ப்பு கிடைத்துள்ளது.
.png)
.png)
Listen News!