_69564380d0082.webp)
சமூகப் பார்வையுடன் கூடிய விவாதத்துக்குரிய படங்களை இயக்கி தனித்த அடையாளத்தை உருவாக்கிய இயக்குநர் மோகன் ஜி, தற்போது தனது வெற்றிப் படமான ‘திரௌபதி’யின் இரண்டாம் பாகமான ‘திரௌபதி 2’ படத்தை இயக்கி வருகிறார்.
முதல் பாகம் வெளியான போது பெரும் சர்ச்சைகளையும், அதே நேரத்தில் ரசிகர்கள் மத்தியில் பெரிய விவாதங்களையும் ஏற்படுத்திய நிலையில், இரண்டாம் பாகம் குறித்த எதிர்பார்ப்பு ஆரம்பத்திலிருந்தே அதிகமாக இருந்து வருகிறது.
இந்தப் படத்திலும் நடிகர் ரிச்சர்ட் ரிஷி கதாநாயகனாக நடித்துள்ளார். முதல் பாகத்தில் அவரது நடிப்பு கவனம் பெற்ற நிலையில், இரண்டாம் பாகத்தில் அவரது கதாபாத்திரம் இன்னும் வலிமையானதாகவும், கதையின் மையமாகவும் இருக்கும் என படக்குழு தரப்பில் தெரிவிக்கப்பட்டுள்ளது.
‘திரௌபதி 2’ படத்தின் முக்கிய சிறப்பம்சங்களில் ஒன்றாக, நடிகை ரக்சனா இந்துசூடன் முக்கிய கதாபாத்திரத்தில் நடித்துள்ளார்.
இந்தப் படத்திற்கு இசையமைப்பாளர் ஜிப்ரான் இசையமைத்துள்ளார். அவரது பின்னணி இசையும் பாடல்களும் படத்தின் உணர்ச்சிகரமான தருணங்களை மேலும் வலுப்படுத்தும் வகையில் அமைந்துள்ளதாக தகவல்கள் வெளியாகியுள்ளன.
இந்த நிலையில், ‘திரௌபதி 2’ திரைப்படத்திற்கு தணிக்கை குழு U/A (Universal/Adult supervision) சான்றிதழ் வழங்கியுள்ளது. இந்த தகவல் தற்போது அதிகாரபூர்வமாக அறிவிக்கப்பட்டுள்ள நிலையில், இது படக்குழுவினருக்கு பெரும் மகிழ்ச்சியை அளித்துள்ளது.
_68eb64a3f3a37_695654e273904.jpg)
.png)
.png)
Listen News!