தமிழ் சினிமாவில் உள்ளடக்கத்துக்கு முக்கியத்துவம் அளிக்கும் முயற்சிகள் தொடர்ந்து அதிகரித்து வரும் நிலையில், நடிகர் சிவகார்த்திகேயன் தயாரிப்பில் உருவாகியுள்ள “தாய் கிழவி” திரைப்படம் தற்போது திரையுலகில் கவனம் ஈர்த்து வருகிறது. இந்தப் படத்தின் சிறப்புக் காட்சியை பார்த்த நடிகர் கமல் ஹாசன், படக்குழுவினரை பாராட்டியுள்ளார். அவரது பாராட்டு கருத்துகள் தற்போது சமூக வலைத்தளங்களில் வைரலாகி வருகின்றன.
“தாய் கிழவி” திரைப்படத்தின் பிரத்தியேக திரையிடல் அண்மையில் நடைபெற்றது. இந்த நிகழ்வில் கலந்து கொண்டு படத்தை பார்த்த கமல் ஹாசன், படம் குறித்து, “நல்ல தயாரிப்பாளர்… சிறந்த இயக்குநர்” என்று பாராட்டியதாக தகவல்கள் வெளியாகியுள்ளன.
தமிழ் சினிமாவில் அனுபவம் வாய்ந்த நடிகராகவும், திரைப்பட கலைக்கு பெரும் பங்களிப்பு செய்தவராகவும் உள்ள கமல் ஹாசனின் பாராட்டு, எந்தப் படத்திற்கும் கூடுதல் மரியாதையை ஏற்படுத்தும் என்பது குறிப்பிடத்தக்கது.
நடிகராக வெற்றி கண்ட சிவகார்த்திகேயன், தயாரிப்பாளராகவும் தனது தனித்துவத்தை நிரூபித்து வருகிறார். இந்தப் படத்தில் முதன்மை கதாபாத்திரத்தில் நடிகை ராதிகா நடித்துள்ளார். பல ஆண்டுகளாக தமிழ் திரையுலகில் முன்னணி நடிகையாக விளங்கி வரும் அவர், பல்வேறு வித்தியாசமான கதாபாத்திரங்களில் தனது திறமையை நிரூபித்துள்ளார்.
அத்துடன், “தாய் கிழவி” திரைப்படம் வருகின்ற பிப்ரவரி 27ஆம் தேதி திரையரங்குகளில் வெளியாக உள்ளது என்பதும் குறிப்பிடத்தக்கது.
.png)
.png)
Listen News!