தமிழ் சினிமாவில் காதலித்து திருமணம் செய்து ரசிகர்களின் மனதில் தனி இடத்தைப் பிடித்த ஜோடிகளில் ஒருவர் சினேகா - பிரசன்னா தம்பதியினர் ஆவர். 2012ம் ஆண்டு மே மாதம் பெற்றோர்கள் முழு சம்மதத்துடன் திருமணம் செய்து கொண்ட இவர்கள், இன்று வரை மகிழ்ச்சியான குடும்ப வாழ்க்கையை நடத்தி வருகின்றனர். இந்த தம்பதியருக்கு ஒரு மகன் மற்றும் ஒரு மகள் உள்ளனர்.
திருமணத்திற்கு பிறகும் சினேகா நடிப்பை முழுமையாக விடாமல், தேர்ந்தெடுக்கப்பட்ட கதாபாத்திரங்களில் நடித்து வருகிறார். குறிப்பாக தனுஷ் நடித்த “பட்டாஸ்” திரைப்படத்தில் அவர் நடித்தது ரசிகர்களிடம் நல்ல வரவேற்பை பெற்றது.
அதேபோல் விஜய்யின் “கோட்” படத்திலும் அவர் முக்கியமான கதாபாத்திரத்தில் நடித்திருந்தார். சமீபத்தில் வெளியான “டிராகன்” படத்தில் சிறப்பு தோற்றத்தில் தோன்றியதும் கவனத்தை ஈர்த்தது.
இதற்கிடையில் சமூக வலைத்தளங்களில் சுறுசுறுப்பாக இருக்கும் சினேகா, அடிக்கடி குடும்ப புகைப்படங்களை பகிர்ந்து ரசிகர்களுடன் தொடர்பில் இருக்கிறார். இந்நிலையில், இவர்கள் திருமணத்தின் 14வது ஆண்டு நிறைவை கொண்டாடியுள்ளனர். அந்த சிறப்பு நாளில் எடுத்த சில அழகான புகைப்படங்களை சினேகா தனது இன்ஸ்டாகிராம் பக்கத்தில் பகிர்ந்துள்ளார்.
இந்த புகைப்படங்கள் தற்போது ரசிகர்களிடையே வைரலாகி வருகின்றன. பலரும் இந்த ஜோடியின் அன்பையும், புரிதலையும் பாராட்டி கருத்துகளை பதிவு செய்து வருகின்றனர். சினிமா உலகில் மட்டுமல்ல, நிஜ வாழ்க்கையிலும் ஒரு அழகான உதாரண ஜோடியாக இவர்கள் தொடர்ந்து திகழ்ந்து வருகின்றனர்.
.png)
.png)
Listen News!