விஜய் டிவியில் ஒளிபரப்பாகும் பிரபல சீரியல் சிறகடிக்க ஆசையில் முக்கிய கதாபாத்திரத்தில் நடித்துவரும் நடிகர் ஸ்ரீதேவா, தற்போது சினிமா உலகிலும் கவனம் ஈர்த்து வருகிறார்.
சின்னத்திரையிலிருந்து வெள்ளித்திரைக்கு பயணம் செய்வது எளிதானது அல்ல. இருப்பினும் சந்தானம், சிவகார்த்திகேயன், கவின் உள்ளிட்ட பலர் அந்த கனவை நனவாக்கியுள்ளனர். அந்த வரிசையில் ஸ்ரீதேவாவும் முன்னேறி வருகிறார்.
சிறகடிக்க ஆசை சீரியலில் மனோஜ் என்ற கதாபாத்திரத்தில் நடித்துவரும் ஸ்ரீதேவா, சற்றே வித்தியாசமான ரோலில் தோன்றினாலும், அவரது இயல்பான நடிப்பு ரசிகர்களை கவர்ந்துள்ளது.
சில நேரங்களில் நகைச்சுவை, சில நேரங்களில் கோபம், சில நேரங்களில் பாசம் என பல்வேறு உணர்வுகளை வெளிப்படுத்தும் அவரது நடிப்பு, சீரியலின் TRP உயர்விற்கும் காரணமாக அமைந்துள்ளது. இதனால் அவருக்கென தனி ரசிகர் கூட்டமும் உருவாகியுள்ளது.
இதற்கு முன்பும் ஸ்ரீதேவா சில திரைப்படங்களில் சிறிய கதாபாத்திரங்களில் நடித்துள்ளார். இந்தியன், சுப்பன் உள்ளிட்ட படங்களில் முக்கிய வேடங்களிலும் நடித்துள்ளார். இதனைத் தொடர்ந்து OTP என்ற திரைப்படத்தில் நடிக்க அவர் ஒப்பந்தமானதாகவும், அதற்கான அறிவிப்பு சமீபத்தில் வெளியானதாகவும் கூறப்படுகிறது.
இந்த நிலையில், நடிகர் ஸ்ரீதேவா தனது இன்ஸ்டாகிராம் பக்கத்தில், “ஒரு நல்ல கதை, அதை நம்பும் இயக்குநர், அதில் உயிர் கொடுக்க தயாராக இருக்கும் நான் – இந்த கூட்டணி ஒரு நல்ல படைப்பை தரும் என்று நம்புகிறேன். இது ஒரு விதமான திரில்லிங்கா இருக்கு..” என பதிவிட்டு, பட பூஜையின் போது இயக்குநருடன் எடுத்த புகைப்படங்களையும் பகிர்ந்துள்ளார்.
இந்த அறிவிப்பு ரசிகர்களிடையே ஆர்வத்தை ஏற்படுத்தியுள்ள நிலையில், விரைவில் மேலும் தகவல்கள் வெளியாகும் என எதிர்பார்க்கப்படுகிறது.
.png)
.png)
Listen News!