நடிகர் ரஜினிகாந்த் நடித்த 'கூலி' திரைப்படம் வெளியாகிய பின்னரும் ரசிகர்கள் மத்தியில் தொடர்ந்து பேசப்பட்டுக் கொண்டே இருக்கிறது. இயக்குநர் லோகேஷ் கனகராஜ் இயக்கிய இப்படம் வெளியான போது கலவையான விமர்சனங்களை சந்தித்தாலும், அதன் இசை ரசிகர்களை பெரிதும் கவர்ந்தது.
குறிப்பாக, இசையமைப்பாளர் அனிருத் ரவிச்சந்தர் உருவாக்கிய பாடல்கள் சமூக வலைதளங்களில் வைரலானது. அதில் “பவர்ஹவுஸ்” பாடல் தனி கவனத்தை பெற்றது. இந்த பாடலை பாடகர் மற்றும் பாடலாசிரியர் அறிவு எழுதி, தனது தனித்துவமான குரலில் பாடியுள்ளார். வெளியானதிலிருந்து ரசிகர்கள் மத்தியில் நல்ல வரவேற்பைப் பெற்ற இந்த பாடல், தற்போது யூடியூபில் 10 கோடி பார்வைகளை கடந்துள்ளது.
இப்பாடலின் ஆற்றல்மிக்க இசை, வேகமான வரிகள் மற்றும் மாஸ் உணர்வு ரசிகர்களை கவர்ந்த முக்கிய காரணங்களாக பார்க்கப்படுகின்றன. குறிப்பாக ரீல்ஸ் மற்றும் ஷார்ட்ஸ் போன்ற சமூக ஊடகங்களில் பலரும் இந்த பாடலை பயன்படுத்தி வீடியோக்கள் வெளியிட்டது அதன் பிரபலத்தை மேலும் உயர்த்தியது.
திரைப்படம் கலவையான எதிர்வினைகளை பெற்றிருந்தாலும், அதன் இசை மற்றும் பாடல்கள் ரசிகர்களிடையே நீண்டநாள் தாக்கத்தை ஏற்படுத்தியுள்ளன என்பது இந்த சாதனையால் உறுதியாகியுள்ளது.
.png)
.png)
Listen News!