நடிகை மீனா சமீபத்தில் பகிர்ந்துள்ள ஒரு சுவாரஸ்யமான அனுபவம் தற்போது சமூக வலைத்தளங்களில் வைரலாகி வருகிறது. அவர் கூறியதாவது, ‘மரியாதை’ படத்தின் படப்பிடிப்பு காரைக்குடியில் நடைபெற்ற போது, தன்னை சாப்பிட அழைத்ததாக நினைவுகூர்ந்தார். அப்போது தான் நேரில் கண்ட அனுபவம் அவரை ஆச்சரியப்படுத்தியதாக தெரிவித்துள்ளார்.
அவர் சென்றபோது, விஜயகாந்த் (கேப்டன்) முதல் இயக்குநர் விக்ரமன் வரை, லைட் மேன் உள்ளிட்ட தொழில்நுட்பக் குழுவினர் அனைவரும் ஒரே இடத்தில் அமர்ந்து உணவருந்திக் கொண்டிருந்தனர். பொதுவாக “கேப்டன் சார் படத்தில் சாப்பாடு எல்லாருக்கும் சமமாக இருக்கும்” என்று பலர் கூறுவதை கேட்டிருந்தாலும், அதை அன்று தான் நேரில் பார்த்தேன் என மீனா தெரிவித்துள்ளார்.
மேலும், அந்த விருந்தில் சுமார் 30 வகையான உணவுகள் இலையில் பரிமாறப்பட்டிருந்ததாகவும் அவர் குறிப்பிட்டுள்ளார். அந்த அளவிற்கு அனைவருக்கும் ஒரே மாதிரியான மரியாதையுடன் உணவு வழங்கப்பட்டது அவரை மிகவும் கவர்ந்ததாக கூறியுள்ளார்.
இந்த அனுபவம், விஜயகாந்தின் எளிமை, சமத்துவ எண்ணம் மற்றும் குழுவினரிடம் கொண்ட அக்கறையை வெளிப்படுத்துவதாக ரசிகர்கள் பாராட்டி வருகின்றனர்.
.png)
.png)
Listen News!