தமிழ் சினிமாவில் பெண்களை மையமாகக் கொண்ட கதைகள் சமீபகாலமாக ரசிகர்களிடையே நல்ல வரவேற்பைப் பெற்று வருகின்றன. அந்த வரிசையில், கிரைம்-திரில்லர் மற்றும் அதிரடி ஆக்ஷன் கலந்த புதிய படைப்பாக 'ஆகன்யா' திரைப்படம் உருவாகி வருகிறது.
திருமலை சிவம் தயாரிப்பில், இயக்குநர் ஜவஹர் பரமசிவம் இயக்கும் இந்த திரைப்படம், விறுவிறுப்பான திரைக்கதையுடன் ரசிகர்களுக்கு வித்தியாசமான அனுபவத்தை வழங்கும் என படக்குழு நம்பிக்கை தெரிவித்துள்ளது.
இந்த திரைப்படத்தின் சிறப்பு அம்சமாக, நடிகைகள் சுப்ரா அய்யப்பா மற்றும் சிருஷ்டி டாங்கே ஆகியோர் கதாநாயகிகளாக நடித்துள்ளனர். கதையின் மையமாக இருவரின் கதாபாத்திரங்களும் அமைக்கப்பட்டுள்ளதால், பெண்களுக்கு முக்கியத்துவம் அளிக்கும் படமாக இது உருவாகி வருகிறது.
சுப்ரா அய்யப்பா, படத்தில் அதிரடி ஆக்ஷன் காட்சிகளில் கலக்கும் கதாபாத்திரத்தில் நடித்துள்ளதுடன், சிருஷ்டி டாங்கே புத்திசாலித்தனமும் சாதுரியமும் நிறைந்த கதாபாத்திரத்தில் தோன்றவுள்ளார்.
படம் குறித்து பேசிய இயக்குநர் ஜவஹர் பரமசிவம், "இந்த திரைப்படத்தில் சுப்ரா அய்யப்பா முழுமையான ஆக்ஷன் நாயகியாக களமிறங்கியுள்ளார். அதேவேளை, சிருஷ்டி டாங்கே தனது கதாபாத்திரத்தில் வித்தியாசமான நடிப்பை வெளிப்படுத்தியுள்ளார். ரசிகர்களை கவரும் வகையில் இடம்பெறும் ஒரு சிறப்பு குத்துப்பாடலிலும் அவர் நடனமாடியுள்ளார்" என்று தெரிவித்துள்ளார்.
மேலும், "இரு கதாநாயகிகளும் தங்களது கதாபாத்திரங்களில் போட்டி போட்டு நடித்துள்ளனர். புதிய கதைக்களம் மற்றும் விறுவிறுப்பான திரைக்கதை காரணமாக இந்த திரைப்படம் ரசிகர்களுக்கு மறக்க முடியாத திரையரங்க அனுபவத்தை வழங்கும்" என்றும் அவர் நம்பிக்கை வெளியிட்டார்.
ஒளிப்பதிவாளர் கதிரவன் ஒளிப்பதிவு செய்யும் இந்த திரைப்படத்திற்கு சுபாஷ் சந்திரன் இசையமைத்து வருகிறார்.
படத்தின் முக்கிய காட்சிகள் தகவல் தொழில்நுட்ப (IT) நிறுவனங்கள், நவீன வணிக வளாகங்கள் (Malls) உள்ளிட்ட பல்வேறு இடங்களில் படமாக்கப்பட்டு வருகின்றன. தற்போது படப்பிடிப்பு பணிகள் விறுவிறுப்பாக நடைபெற்று வருவதாக படக்குழு தெரிவித்துள்ளது.
கிரைம், திரில்லர், ஆக்ஷன், பெண்களின் துணிச்சல் என பல அம்சங்களை ஒருங்கிணைக்கும் 'ஆகன்யா' திரைப்படம், தமிழ் சினிமாவில் பெண்களை மையமாகக் கொண்ட மற்றுமொரு வித்தியாசமான படைப்பாக உருவாகி வருவது குறிப்பிடத்தக்கது.
.png)
.png)
Listen News!