தெலுங்கு திரையுலக ரசிகர்கள் ஆவலுடன் எதிர்பார்த்து வந்த அப்டேட் வெளியாகியுள்ளது. நடிகை சமந்தா முக்கிய கதாபாத்திரத்தில் நடித்துள்ள ‘மா இன்டி பங்காரம்’ திரைப்படத்தின் வெளியீட்டு தேதி அதிகாரபூர்வமாக அறிவிக்கப்பட்டுள்ளது.
நீண்டநாட்களுக்கு பிறகு தெலுங்கில் சமந்தா நடித்துள்ள இந்த படம், மே 15ஆம் தேதி உலகம் முழுவதும் உள்ள திரையரங்குகளில் வெளியாக உள்ளது.
கடந்த சில ஆண்டுகளாக தனிப்பட்ட மற்றும் உடல்நல காரணங்களால் படங்களில் இடைவெளி எடுத்திருந்த சமந்தா, தற்போது மீண்டும் முழு உற்சாகத்துடன் திரையுலகில் கவனம் செலுத்தி வருகிறார். குறிப்பாக தெலுங்கு திரையுலகில் அவர் தனக்கென ஒரு பெரிய ரசிகர் வட்டத்தை பெற்றுள்ளார். இந்நிலையில் ‘மா இன்டி பங்காரம்’ அவரது ரசிகர்களுக்கு முக்கியமான ரிலீஸாக கருதப்படுகிறது.
இந்தப் படத்திற்கு கதை எழுதியுள்ளவர் இயக்குநர் ராஜ் நிடிமொரு. அவர் சமந்தாவின் கணவராகவும் அறியப்படுகிறார். மேலும், இசையமைத்துள்ளார் சந்தோஷ் நாராயணன்.
‘மா இன்டி பங்காரம்’ படத்தில் சமந்தாவுடன் இணைந்து பல முன்னணி நடிகர்கள் நடித்துள்ளனர். குல்ஷன் தேவையா, திகந்த், கௌதமி மற்றும் ஸ்ரீமுகி ஆகியோர் முக்கிய வேடங்களில் நடித்துள்ளனர். இந்த வலுவான நடிகர் பட்டியல், படத்தின் மீதான எதிர்பார்ப்பை மேலும் உயர்த்தியுள்ளது.
.png)
.png)
Listen News!